ЭдКэмп-2019. Міні-эдкэмп у Варапаева. Як гэта было.

Міні-эдкэмп у Варапаева: як гэта было.

Каманда Эдкэмп раніцай 5 лістапада адправілася ў Віцебскую вобласць. У саставе каманды былі Наста і Яўген Пугачы - арганізатары мерапрыемства, я - настаўніца пачатковых класаў,  гісторык з Бабруйска Юля Федзяніна,Іна  Плешавеня - настаўніца англійскай мовы з Пастаў і Тамара Храпавіцкая - гісторык з Пастаў.
Прымала нас цудоўная Варапаеўскай школа, куды запрасіў міні-эдкэмп пастаянны ўдзельнік мерапрыемства ў Мінску - Мікола Атрахімовіч.
Цёплая атмасфера сустрэчы, вялікая светлая школа, добразычліва настроеныя педагогі Пастаўскага раёну (так, сюды трапілі не толькі настаўнікі з Варапаева).

Наста і Яўген распавялі пра ініцыятыву Эдкэмп, мы - напэўна, нас можна назваць ужо вопытнымі  ўдзельнікамі неканферэнцыі - правялі майстар-класы: Іна распавяла пра выхад за рамкі і дапамагла аб'яднацца праз цудоўную дзіцячую кнігу Zoom, Тамара расказала, як працаваць з архівамі і гістарычнымі дакументамі і дазволіла і нам "дакрануцца да гісторыі", я падзялілася сваім вопытам арганізацыі даследчай працы, Юля пагрузіла ўдзельнікаў у атмасферу медыяадукацыі.
Шчырыя ўсмешкі, актыўны ўдзел у дыскусіях, яркія знаходкі - так можна сказаць пра майстар-класы ў некалькіх словах.
Дзякуй, Варапаева! Гасцінны куточак з добрымі людзьмі!